Frumherji hf. býður upp á skoðanir á gæðastjórnunarkerfum hönnuða, hönnunarstjóra, byggingastjóra og iðnmeistara. 

Boðið er upp á skjalaskoðun á nýjum kerfum og virkniskoðun innan 12 mánaða frá skjalaskoðun. Hægt er að sækja um skjala- og virkniskoðun samtímis fyrir gæðastjórnunarkerfi sem hafa verið í rekstri um nokkurn tíma.

Ferli skjalaskoðunar

Við skalaskoðun er farið yfir hvort gæðastjórnunarkerfið uppfylli þær kröfur sem settar eru fram í gildandi lögum um mannvirki og byggingarreglugerð ásamt leiðbeiningum og skoðunarhandbók Mannvirkjastofnunar um gæðastjórnunarkerfi. Farið er yfir hvort gert hafi verið ráð fyrir vistun skjala sem viðkoma starfsemi og byggingarleyfisskyldum verkum viðkomandi aðila og hvort í kerfinu sé lýsing á innra eftirliti með eigin verkum ásamt gátlista til notkunar við eftirlitið. Í kerfi byggingarstjóra er einnig gerð krafa um lýsingu á lokaúttekt og undirbúningi hennar í samræmi við kafla 3.9 í byggingarreglugerð, þar sem meðal annars er gengið frá skýrslu yfir allar úttektir og frágangi handbókar. Bent er á að Mannvirkjastofnun hefur gefið út leiðbeiningar nr. 16.1.1 um gerð handbókar mannvirkis.

Við gerð gæðastjórnunarkerfa er bent á leiðbeiningar, skoðunarhandbók og skoðunareyðublöð Mannvirkjastofnunar um gæðstjórnunarkerfi.

PANTA SKOÐUN

Ef ýtt er á tengilinn hér fyrir ofan opnast rafræn skráningarsíða fyrir beiðni um skoðun. Einnig er hægt að panta skoðun í tölvupósti á netfangið  This email address is being protected from spambots. You need JavaScript enabled to view it.  eða í síma 570 9340. Vinsamlega látið nafn og símanúmer fylgja beiðni í tölvupósti.

Athygli er vakin á því að einnig þarf að sækja um skráningu gæðastjórnunarkerfis hjá Mannvirkjastofnun (sjá umsókn fyrir einstakling og umsókn fyrir fyrirtæki).

 

 

2017-07-25 00:47:39