Fyrir einkaaðila, fyrirtæki og stofnanir

Frumherji tekur að sér skoðun á neysluveitum. Nauðsynlegt er að kanna hvort raflagnir og rafbúnaður samræmist lögum og reglum sem í gildi eru hverju sinni og þá sérstaklega með tilliti til áhættuþátta sem geta skapað snertihættu eða bruna. 

Boðið er uppá skoðun á neysluveitum í íbúðar- og iðnaðarhúsnæði, skólum, stofnunum og á veitum sem taka við raforku á lágspennu frá rafveitu. Einnig er boðið upp á skoðanir fyrir raforkuvirki á háspennu eins og virkjanir, rafveitur og iðjuver, sjá nánar hér. Allar neysluveitur þ.m.t. einkaveitur þarf að kanna reglulega. Ekki verður lögð nægileg áhersla á mikilvægi þess að tryggja að raflagnir fasteigna séu í lagi og komið sé í veg fyrir hættu.

Hvernig fer skoðun fram?

Skoðun íbúðar tekur um 60-90 mínútur. Skoðunarmaður skoðar rafmagnstöflur og annan fasttengdan rafbúnað samkvæmt skoðunarreglum Mannvirkjastofnunar. Hann framkvæmir mælingar til staðfestingar á virkni rafbúnaðarins, kannar t.a.m. útleysisskilyrði bilunarstraumsrofa (lekaliða) og annan varnarbúnað eins og sjálfvara. Einnig eru jarðtengingar á tenglum og tengingar ljósabúnaðar skoðaðar. Skoðunarmaður skilar niðurstöðum á skýrsluformi.

Hægt er að panta skoðun í síma 570 9360 eða senda tölvupóst á This email address is being protected from spambots. You need JavaScript enabled to view it. eða This email address is being protected from spambots. You need JavaScript enabled to view it..

 

 

2018-11-14 19:43:44