Frumherji hf. er leiðandi á sviði skoðana, prófana og tengdrar þjónustu á Íslandi. Starfsemi Frumherja er í dag skipt upp í fjögur svið:

- Mannvirkja- og veitusvið - sviðsstjóri Kristín Erla Einarsdóttir

- Samgöngusvið - sviðsstjóri Karl Svavar Sigurðsson

- Fjármál og starfsmannahald - sviðsstjóri Elín Helgadóttir

- Rekstur og þjónusta - sviðsstjórn í höndum framkvæmdastjóra

Sviðsstjórar Frumherja mynda framkvæmdastjórn félagsins.

Frumherji starfar sem faggilt skoðunarstofa á fimm fagsviðum í fullu samræmi við ISO staðla 17020 og 17025. Í samræmi við kröfur þeirra staðla er fyrirtækið laust við hvers kyns viðskiptalegan, fjárhagslegan eða annan þrýsting sem haft getur áhif á hlutleysi þess og niðurstöður skoðana. Stjórnendur fyrirtækisins skuldbinda sig til að tryggja að þessu verklagi sé haldið og að faglegra sjónarmiða og hlutleysis sé gætt í hvívetna.

Fyrirtækið er með starfsemi um land allt og þjónustar viðskiptavini sína á 32 starfsstöðvum á landinu Hjá fyrirtækinu vinna um 100 manns. Þar er um að ræða færa einstaklinga sem njóta fyrsta flokks þjálfunar og aðbúnaðar við sín störf. Höfuðstöðvar félagsins eru að Þarabakka 3 í Reykjavík.

Eigandi Frumherja er SKR1 ehf. Eigendur þess félags eru annars vegar Tíberius ehf og hinsvegar Skriður slhf sem er félag í rekstri og umsýslu Íslenskra verðbréfa hf. 

Stjórn Frumherja skipa Andri Gunnarsson, stjórnarformaður, Guðný Hansdóttir og Sigþór Jónsson. Framkvæmdastjóri Frumherja er Orri Hlöðversson.


 

2017-07-25 00:40:52