Umfang skoðana
Skipaskoðunarsvið Frumherja hf. er faggilt skoðunarstofa af A-gerð. Stofan er því hæf til að annast eftirfarandi skoðanir á skipum og bátum í umboði Siglingastofnunar Íslands;
- Búnaðarskoðun.
- Vélskoðun.
- Bolskoðun tré, plast og stál.
- Rafmagnsskoðun.
- Skoðun á öxli og stýri.
- Eftirlit með nýsmíði.
- Eftirlit með breytingum.
- Eftirlit með viðgerðum.
- Tjónaskoðun.
- Þykktarmæling.
- Fjarskiptaskoðun.
- Skoðun brunaviðvörunarkerfa og búnaðar.
Eftirlit með skoðunarstofunum
Skoðunarstofan eru undir eftirliti Siglingastofnunar Íslands, Post- og fjarskiptastofnunar og faggildingarsviðs Einkaleyfastofu. Hún er faggilt samkvæmt staðlinum ÍST EN ISO/IEC 17020:2004 en honum er fyrst og fremst ætlað að tryggja sjálfstæði, hlutleysi, ráðvendni og hæfni skoðunarstofunnar. Faggildingarsvið Einkaleyfastofu heimsækir skoðunarstofuna árlega og gerir úttekt á gæðakerfi hennar og hæfni skoðunarmanns. Siglingastofnun Íslands er faggildingaraðilanum til aðstoðar við úttekt á skoðunarmanni auk þess sem eftirlitsmenn hennar fara í samanburðarskoðanir til að fylgjast með hvort skoðunarmenn skoðunarstofunnar séu að framkvæma skoðanir sínar samkvæmt settum kröfum.
Nýr skoðunarferill
Skoðunarferillinn byrjar á upphafsskoðun á nýjum skipum. Eftir það hefst 4 ára skoðunarferill;
- Eftir 1. ár - Aðalskoðun á búnaði allra skipa. Bolskoðun tréskipa.
- Eftir 2. ár - Aðalskoðun á búnaði og vél allra skipa. Milliskoðun á bol, öxli og rafmagni allra skipa.
- Eftir 3. ár - Aðalskoðun á búnaði allra skipa. Bolskoðun tréskipa
- Eftir 4. ár - Aðalskoðun á búnaði, vél, öxli, rafmagni og bol allra skipa.
- Sé niðurstaða aðalskoðunar “2” felur það í sér endurskoðun innan allt að 3ja mánaða.
Jafnframt er kveðið á um sveigjanleika í skoðunum þannig að skoðun getur farið fram á tímabilinu 3 mánuðum fyrir til 3 mánuðum eftir áætlaðan skoðunardag.